黑森林 Black Forest

記得小時候, 媽咪說買了一件黑森林蛋糕給園丁吃, 園丁鬧著不肯食, 到現在我都不明白何解 ~ 可能是小時候, 聽得鬼故多, 加上想像力太豐富, 驚食完點森林蛋糕可能會走很多鬼怪出來吧! 哈哈!
人長大了, 黑森林原來是朱古力蛋糕才真, 少年時可真走了很多寶啊!
正宗的黑森林園丁一定唔會食, 因係是用有酸味的 berry 製的, 園丁都唔喜歡酸的味道, 但係香港就好少會吃到傳統的黑森林, 因為都以香港化了, 改用了唔酸既 berry 同黑加侖子 Jelly, 所以大人細佬都鐘意食!
阿 Kit 呢個食譜, 如果買到朱古力清蛋糕片的話, 不用焗爐也可以輕易地做到黑森林蛋糕了!

材料:

2片         朱古力清蛋糕 (大約6吋直徑)

忌廉餡:

200 g      甜忌廉

適量       黑加侖子 Jelly 碎 (約1/4盒)
適量       黑車厘子
適量       朱古力針/裝飾條/生果
裝飾組合:
1. 用乾淨大碗打起忌廉至企身
2. 在其中一片蛋糕片上塗上忌廉, 放上 Jelly 碎及黑車厘子, 再塗上一層忌廉, 放上第 2片蛋糕片.
3. 將餘下的忌廉留一部份入已裝唧花唧咀的唧袋, 放雪櫃備用
4. 其餘全部忌廉塗滿整個蛋糕, 用抹刀抹至平滑, 周圍加上朱古力針作裝飾
5. 取出唧袋, 在蛋糕面唧上忌廉花及放上生果作裝飾即可.
Tips ~ 抹平忌廉時如用蛋糕轉盤會更容易上手!